Dostana Mustafçe: Bakllavaja “Angela Merkel” është më e kërkuara
Nga të gjitha specialitetet dhe bakllavat turke që ofron në dyqanin e saj në Çarshinë e Vjetër turke në Shkup, Dostana Mustafçe më së shumti shet bakllavanë që e ka quajtur “Angela Merkel”. Dëshira e madhe e Dostana Mustafçes ishte të jetonte në Gjermani, por dëshira e saj nuk u realizua kurrë. Në vend të Gjermanisë, ajo me bashkëshortin shkoi në Turqi, prej nga pas shumë vitesh punë u kthye në vendlindjen e saj në Shkup.
Tani ajo prodhon dhe shet specialitete të ndryshme në dyqanin e saj të vogël, por gjithashtu ndjek rregullisht politikën gjermane. Ajo gjithashtu mbante një respekt të lartë për ish-kancelarin Helmut Kohl. Megjithatë, nuk ka bakllava të veçantë me emrin e tij siç ka për pasardhësin e tij në parti, Angela Merkel. Sipas Dostana Mustafçes, arsyeja për këtë është se Merkel është edhe ekonomiste e mirë edhe politikane e mirë.